پویچەوکردن باندیگ رفانن و ئازادکردن رفیاییگ و دویەتیگ لە دوو ئۆپراسیۆن لە بەغداد
![پویچەوکردن باندیگ رفانن و ئازادکردن رفیاییگ و دویەتیگ لە دوو ئۆپراسیۆن لە بەغداد](https://media.shafaq.com/media/arcella/1720341104111.jpg)
فەرماندەیەگە ئمڕوو لە بەیاننامەیگ ئاشکەرایکرد، "لەدویای ئەوەگ زانیاری هەواڵگێری رەسی لە رویداویگ رفانن لەناوچەی وەرپرسیارەتیەگە لە خوەرهەڵات بەغدای پایتەخت، دەسوەجی تیمیگ کارکردن هاوبەش دروسکریا لە تیپ پەنجەم پۆلیس فیدراڵی وە هەماهەنگی وەرد بەش هەواڵگێری و ئاسایش /فەرماندەیی و گواستنەوەیان ئەرا شوینە دیاریکریاگە.
وەپای بەیاننامەگە "لەدویای لێکۆڵینەوە و وشکنین و کووکردن زانیاری سەرەتایی و وەدویاچگن کامیرەیل چەودێری و فراوانکردن بازنەی مینەکردن شوین تاوانبار دیاریکریا، وە کوڵەی قایمیگ کە ئەرایان دانریابوی گشت ئەندامەیل چەتەگە دەسگیرکریان کە لە چوارکەس پێکهاتبوین، رفیایەگە ئازادکردن لە ناوچەی "کوچەی مونتەزەر" لەلای رەسافە، رادەس لایەنە پەیونیدارەیل کریان ئەراتەواوکردن رێکارەیل یاسایی وەرانوەریان".
هەمیش لە رویداویگ ترەک هاوشیوە، پۆلیس فیدڕاڵی راگەیان، تیپ یەکەم سەر وە خوەی وە پشت بەسین وە تەقەلای هەواڵگێری توەنستن توومەتباریگ دەسگیربکەن کە دویەتیگ رفانبوی و لەناو ماڵ دانابویێ لە ناوچەی نهرەوان لە چوارچمگ کەرت وەرپرسیارەتی فەوج دویەم لیوای دویەم پۆلیس فیدرالی.
وتیش، رفیاگە ئازادکریا و توومەتباریش رادەس لایەنە پەیوەنیدارەیل کریا ئەرا تەووکردن رێکارەیل یاسایی وەرانوەری و لێکۆڵینەوەی پێویست.