پویچەوکردن باندیگ دزیکردن تایبەت وە ماشینەیل لە بەغداد
وەڕێوەبەرایەتیەگە لە بەیاننامەیگ راگەیان ئۆپراسیۆن دەسگیرکردنەگە لە ئەنجام رەسین زانیاری وە مەفرەزەیلمان بوی لە بویین رویداویگ زین ماشین لە جویر "لاندگرۆزەر"لەناوچەی بەلەدیات خوەرهەڵات بەغداد، دەسوەجی تیم کارکردن دروسکریا کلکریا ئەرا شوین رویداوەگە، و وەدویاچگن ئەرا کڕ هامشوو ماشینەگە کریا وە هەماهەنگی وەگەرد بەش هونەری.
لە بەیاننامەگە هاتیە، لەدویای تەقەلای فرە و نایابیگ توەنستن بڕەسن وە ماشینەگە دەسبنەن وەبانی و دزەگەیش دەسگیربکەن لە پارێزگای کەرکوک کە توومەتبار وەرەو پارێزگایەیل باکوور چگە ئەرا فرووشتنی، لەمەوقەی قویلەوبوین لە لێکۆڵینەوە وەگەرد توومەتبار دان وە راستی دانایە کە پەنج ئۆپراسیۆن دزیکردن ماشین ئەنجامدایە وە هاوکاری وەگەرد چوار توومەتبارتر، لەدویای ئەوەگرەزامەنی یاسایی وەرگیریا و فەرمان دەسگیرکردنی جیوەجیکریا، دەسنریا وەبان ماشینیگ "پرادۆ" کە وەپی بویە.
وەپای بەیاننامەگە، قسەی توومەتبارەیل دان دانانە وە پەنج رویداو دزی، دیاریکرد کاغەر لێکۆڵینەوەیان خریاسە وەردەم دادوەر لێکۆڵەر و بڕیار زیندانی بکریەن وەپای بڕگە مادەی
442 لەیاسای سزادان.
