پویچەوکردن باندیگ بازرگانیکردن وە مادەی هووشبەر لە دویای تلیان ئەندامیگ لە باشوور بەغداد
فەرماندەیی ئمڕوو لە بەیاننامەیگ راگەیان، "وە پشت بەسین وە زانیاری هەواڵگێریەیل کە دیاریکردن باندیگ بازرگانیکردن و بڵاوکردن مادەی هووشبەر وە بازگەی بەغداد واست رەدبوون (باشوور پایتەخت)، کوڵەیگ لەناو بازگەگە دانریا وەلایەن مەفرەزەیل دژە مادەیل هووشبەر کەرخ و وە هاوبەشی وەگەرد ئەندام کاروبار بازگەگە.
لە بەیاننامەگە وتیش ئەندامەیل هێز ئەمنی "لە مەوقەی وسانن ماشینەگە ئەرا وشکنین یەکیگ لە ئەندامەیل باندەگە کە سێ کەس بوین واینە و یەکیگ لە ئەندامەیل تلانیە لەدویای دەورەداین و تەقەکردن لە ئاسمان دەسگیرکریا".
وەپای فەرماندەیی ئۆپراسیۆنەیل بەغداد "هێزەیل توەنستنە ئەندامەیل باندەگە دەسگیربکەن، لە وەخت وشکنین ماشینەگە دەسبگرن وەبان بڕیگ مادەی هووشبەر کە وەناو بەغدا پایتەخت هاوردنەسێ، دیاریکرد "توومەتبارەیل ومادەیل دەس وەبان گیریاگ دریانە دەس لایەنەیل پەیوەنیدار تایوەت ئەرا وەرگردن رێکارەیل یاسایی وەرانوەریان".
