وە وەختیگ پەیمانەیی.. دەسگیرکردن دوو کەس لە کەرکوک پولیسیگ کوشتنە و ئەوەکە زەخمدار کردنە
2024-06-07T06:59:58+00:00
شەفەق نیوز/ فەرماندەیی پولیس پارێزگای کەرکوک، ئمڕوو جمعە، خەوەردا لە دەسگیرکردن تەقەکەرەیل لەبان دەورەیەیگ پولیس وە وەختیگ پەیمانەیی.
پولیس لە بەیاننامەیگ وت: لە ساعەت 700 مەوقەی گەردین پولیس لەبان ریەیل گشتی، دویای ئەوە کە سێ کەس تەقەلا دانە دوکانیگ بدزن، و پولیس خوازیە ئەو کەسەیلە بگرێد، ئەوان تەقە لە پولیس کردنە، کە یەکیگ لە پولیس شەهید بویە و یەکیگیش زەخمدار بوی.
وەگورەی بەیاننامەگە، وەکوتپڕ گشت دەوریەیل کەفتنە ئامادەباشی، و شیوەی ماتوورسکڵەگە بڵاو کریا، و دەوریەیگ کەفتە شوینیان، و دویای زەخمداری یەکیگیان وەماوەی نیم ساعەت دەسگیر کریان.
