وە هاوکاری وەگەرد کوردستان.. پویچەوکردن باندیگ بازرگانیکردن وە مادەی هووشبەر کە لەناوەین سێ پارێزگا کارکردنە

عەمید میری لە بەیاننامەیگ رەسیە ئاژانس شەفەق نیوز وت، شمارەی ئەو توومەتبارەیل ناو ئەو باندەی مادەی هووشبەر ناودەوڵەتی کارکردنە لاناوەین هەولێر و بەغداد و بەسڕە رەسیە (16) توومەتبار، وتیش شمارەی پیاوەگان ناو تووڕەگە  (14) توومەتبار بویە وەگەرد (2)  ژن توومەتبار بیانی و توومەتباریگ ترەک فرە مەترسیدار کە وەشیوەی ئامادەنەبوین سزای زیندانیکردن هەمیشەیی ئەرای دەرکریاس وەپای مادەی ( 27 ) هووشبەر لە دوو پارێزگا داواکریاگە.

وتیش ئەو بڕە کە وەپیان بویە دەسنریاس وەبانی نزیکەی 40 کیلوگرام مادەی کریستال بویە وەگەرد (3) چەک کلاشینکۆف، و(6) دەوانچە وەگەرد (4) تەرازوی مادەی هووشبەر، بڕیگ لە  کەرەستەیل کیشان وەگەرد  ماشینیگ (بارهەڵگر) (3) ماشین سالۆن.