وەهەماهەنگی سێ پارێزگای عراق.. دەسگیرکردن دوو سەرکردەی داعش
شەفەق نیوز/ شانەی راگەیانن ئەمنی، ئمڕوو سێشەممە، دەسگیرکردن سەرکردەی ناودیاریگ لە ریخریاگ داعش راگەیان، وەگەرد یاوەر وەرپرس خزمەتگوزارییەیل ریخریایەگە، وەهەماهەنگی ئەمنی ناوبەین سێ پارێزگا.
شانەگە لە بەیاننامیگ رەسیە ئاژانس شەفەق نیوز وت: وە هەماهەنگی هەواڵگری ناوبەیک بەشەیل زانیاری فەرماندەیی ئۆپراسیۆنەیل سامە، و نەینەوا، ودیالە، وبەش زانیاری فیرقەی ١٦ وە بەشداری هیزیگ لە فەرماندەی هیزەیل هشکایی لە لیوای ٩٢ و فەوج کۆماندۆی فەرماندەی ئۆپراسیۆنەیل دویەم سامەڕا، یەکیگ لە ئەندامەیل تیرۆری گرنگ وەنازناو (ئەبو ئیسحاق) دەسگیر کریا.
ودیاری کرد دەسگیرکریایەگە ناوی لە پارێزگای نەینەوا وەرجە رزگارکردنی لە داعش دیار بوی، و لەچەن پەلاماریگ تیرۆری بەشداری کردیە، وەرجە وایینی ناوبەین پارێزگایل، تا وە کوڵەگردن توکمەیگ لە خاڵ سندیە ناوبەین سامەڕا ودیالە دەسگیر کریا.
وتیش: یاوەر وەرپرس خزمەتگوزارییەیل داعش لە یەکیگ لەناوچەیل نەینەوا دەسگیر کریا، ک برای ئەو وەرپرس خزمەتگوزارییە ک ئیسە فەرمان وەسێدارەدان لەبانی دەرچگە.
شانەگە دووپات کرد ک ئەو دوو تیرۆریستە ئەرا دادگا وەگورەی یادداشت دەسگیر لەبان مادەی ٤ تیرۆر داوا کریانە، ودریانە دەس لایەن پەیوەندیدار
