وێنە.. کپەوکردن ئاگریگ لەناو کۆمپانیای شیرەمەنی لە بەغداد

شەفەق نیوز/ تیمەیل وەرگری مەدەنی، ئمڕوو یەکشەممە، توێنستن کۆنتڕۆڵ ئاگریگ بکەن لەناو کۆمپانیای شیرەمەنی کانون لە ناوچەی عوێریج لە بەغداد هەڵسیا.

وەڕێۆبەرایەتی وەرگری مەدەنی لە بەیاننامەیگ رەسیە ئاژانس شەفەق نیوز وت: ئاگریگ لە ناو دوو تانکی ٣٠ هەزار لەتری سووتەمەنی لە گاز گوڵپە کرد.

و دووپات کرد ک تیمەیل وەرگری مەدەنی توێنستن ئاگرەگە لە هەفت تانکی گەپ ٢٢٠ هەزار لەتری پڕ لەگاز دویرەو بخەن، و ئاگرەگە کپەو کردن وەبی زەخمداربوین وەگەرد کەمەوکردن زەرەدە داراییەکان.

وتیش: رووداوەگە لەوەر خەمسەردی لە مەرجەیل سەڵامەتی و ئەمان بوی، ک بەڵاچەیگ لە مەوقەی چووڵکردن گازەگە هیشت ئاگرەگە گوڵپە بکەێد.