وینە و ڤیدیۆ.. نا وریایی رانندەگە تانکەریگ سوتەمەنی لە بابل تەقێند
2022-09-18T15:10:53+00:00
شەفەق نیوز/ وەڕێەوبەرایەتی وەرگری شارستانی، ئمڕوو یەکشەممە، راگەیان؛ تیمەیلی ئاگریگ لەناو تانکەریگ پلیای کپەو کردن ک سوتەمەنی باری بویە، لە پارێزگای بابل.
لە بەیاننامەیگ رەسیە ئاژانس شەفەق نیوز وت: تیمەیل وەرگری شارستانی رویداو ئاگە گەورەیگ لەناو تانکەریگ سوتەمەنی نەفت سیا لە قەزای موحاویل لەبان ری ناودەوڵەتی لە پارێزگای بابل کپەو کردن.
دیاری کرد ک تیمەیل وەرگری شارستانی ئاگرەگە گیر هاوردن، و ترسەگەی لەو ماشینەیل بان ریەگە دویرەو خستن، و جادەگە لە نەفتەگە پاکەو کردن، تا رویداوەیلیگ زیاتر نەوون، وکارەگە ئەنجام دا وەبی توومارکردن زەرەدەیلیگ گیانی، وەگەرد کەمەوکردن زەرەدەیل دارایی.
وەڕێەوبەرایەتی وەرگری شارستانی دیاری کرد ک پلیان تانکەرەگە لەوەر نا وریایی رانندەگە بویە.
