وینە و ڤیدیۆ.. رزگارکردن کارخانەیگ لە دیوانیە لە ئاگریگ نزیکبوی وەتەواوی بزسنێدەی
شەفەق نیوز/ وەڕێەوبەرایەتی وەرگری شارستانی، ئمڕوو شەممە، راگەیان تیمەیلی کارخانەی تایەر دیوانیە رزگار کردن، ک ئەو کارخانە نزیک بوی ئاگر وەتەواوی بزسنێدەی.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت: تیمەیلی لە وەختە گونجیایەگە کۆنتڕۆل تەواوی ئەو رویداو ئاگرە کردن ک لە شوینیگ هیز گرد ک تایەر کۆنە لەناوی کەڵەکە بوێە، لە نزیک ئەمار کاربۆن پیشەسازی لە کارخانەی تایەر دیوانیە لە پارێزگای دیوانیە.
و دیاری کرد ک تیمەیل وەرگری شارستانی لە پارێزگاگە گشت ماشینەیل ئاگرکپکردن و پاڵپشتیکردن ئەرا کپەوکردن ئاگرەگە ودویرخستن رخ فراوانبوینی وەرەو ناو کارخانەگە کل کرد، و کۆتایی وەو دویکەڵ ژەهرینە هاوردن ک ئاسمان پارێزگاگە کردە ئەور دویکەڵ خەسیگ و رووشنایی خوەرەگە شاردەو.
تیمەیل وەرگری شارستانی کار کپەوکردن و سەردەوکردن وەبی تووماکردن زەخمداری وەگەرد کەمەوکردن زەرەدەیل دارایی تەواو کردن.
