وینە و ڤیدیۆ.. تەقینەوە لە شوین ئاگرەگەی وەزیریە کەسەیلیگ لە وەرگری شارستانی زەخمدار کەێد
وەریەوبەرایەتیەگە لە بەیاننامەیگ وت: تیمەیل رزگارکردنی سەختی گەورەیگ کەفتە وەریان مەوقەی دووارەکردن وەشکین وە مینەی بیسەروشوینەیل رویداو ئاگر کۆمەڵگەی وەزیریە لە بەغداد، لەوەر دووارەوبوین تەقینەوەی بوتڵەیل بوو ک گاز زوی ئاگرسین هاناویان، و رخ لەبان تیمەیل رزگارکردن وەرگری شارستانی دیرێد.
وەگورەی بەیاننامەگە، زنجیرەی تەقینەوەی ئەو بوتڵەیلە ماشینیگ چاڵکەنین سزان وەگەرد زەخمداری لەناو تیمەیل وەشکین و رزگارکردن لە وەرگری شارستانی، و ئەرا خەسەخانەیگ نزیک بریان.
بەیاننامەگە وتیش: تیمەیل وەرگری شارستانی هیمان رەنج دەن ئەرا پەیاکردن روفات بیسەروشوینەیل لە کریکارەیل دویای دووارەکردن کارەیل مینەکردن، دویای لاڵکیان کەسوکارەیل قوربانیەیل، و تا ئیسە تیمەیل وەرگری شارستانی وە روفاتیان نەڕەسینە.
لە سەر مانگ تەشرین دویەم گوزەشتەو تیمەیل وەرگری شارستانی وەردەوامن لە کارەیل وەشکین و مینەکردن بیسەروشوینەیل رویداو ئەو ئاگر گەورە ک ناوچەی وەزیریە لە بەغداد پایتەخت وەخوەی دی.
