وینە.. هیزە ئەمنیەیلە نیەیلن خوەینشاندانەرەیل بچنە ناوچەی خەزرا

 شەفەق نیوز/ هیزە ئەمنیەیلە، ئمڕوو چوارشەممە، نەیشتن لایەنگرەیل رەوت سەرد بچنە ناوچەی خەزرا. 

سەرچەوەیگ ئەمنی ئەرا ئاژانس شەفەق نیوز وت: تەیمانەیگ لە سەدان ئەندام ئەمنی نوای خوەینشاندانەرەیل گردن تا نەچنە ناو ناوچەی خەزرا، دویای ئەوەگ لە پیەڵ جەمهوریە رەد کردن.   

وەرجەیە، ئمڕوو چوارشەممە، دەیان لە لایەنگرەیل ڕەوت سەدر لە مەیدان تەحریر ناوڕاس بەغداد پایتەخت گردەو بوین، ئەرا ناڕەزایی لە کاندیدکردن محمد شیاع سوودانی لەلایەن چوارچیوەی هەماهەنگی شیعە ئەرا پۆست سەرۆک وەزیرەیل لە حکومەت هاتگ.