وینە.. کەشوهەوای "مەریخ" چەن شاریگ عراقی پووشێد
![وینە.. کەشوهەوای "مەریخ" چەن شاریگ عراقی پووشێد](https://media.shafaq.com/media/arcella/1652683489390.jpg)
2022-05-16T06:46:12+00:00
شەفەق نیوز/ گەردەلۊل خوەڵوتوز سەختیگ، ئمڕوو دووشەممە، عراق گردە وەر، و نووڕستن ئاسۆیی نەیشت، و پەک دەوام لە چەن شاریگ خست.
خوەڵوتوزەگە هەمیش کاروانەیل ئاسمانی لە فڕۆکەخانەیل بەغداد و نەجەف وسان، وهەمیش تاقیکردنەوەی زانکۆ و پەیمانگایل خستە دویا.
شارەزای کەشناسی عەلی جابر زیادی ئەرا ئاژانس شەفەق نیوز وت: خوەڵوتوزەگە لە وڵات شامەو هاتە عراق، و ئاست نووڕستن رەسانە کەمتر لە ٣٠٠ مەتر.
لە مانگ نیسان تا ئیسە، عراق خوەڵوتوز پشتاوپشت وەخوەی دوینێد، و فرەجار خەسەخانەیل عراق تویشهاتنەیل تاسیان لەوەر ئەو خوەڵوتوزە وەرگرن، ک بەشیگیان رەسێدە مردن.