وینە.. ڤیستواڵ خوەراک تەندورس لە هەولێر
شەفەق نیوز/ لە شار هەولێر پایتەخت هەرێم کوردستان، ئمڕوو پەنجشەممە، فیستواڵیگ ئەرا خوەراک و خواردن کوردەواری تەندروس ئەنجام دریا.
فیستیڤاڵەگە لە باخچەی سامی عەبدولڕەحمان کریا، و تا پەنج رووژ وەردەوامە، و دەیان لە کۆمپانیاێل خوەراک و ئامادەکردن خواردن ئامادە بوین وەگەرد ژن و پیاوەیلیگ خوەراک ماڵی دروسکەن.
سامان بەرزنجی وەزیر تەندروسی لە حکومەت هەرێم کوردستان ک سەردان فیستیڤاڵەگە کرد، ئەرا ئاژانس شەفەق نیوز وت: فیستیڤاڵەگە گرنگە ئەرا ناسین خوەراکەیل ناوخوەیی ک مادەیل مقەیەتیکردن لەناوی نییە، و هەمیش تا هاووڵاتیەیل بزانن چوین ئی خوەراکەیلە بەرهەم و ئامادە کریەن.
وتیش: گرنگە ک هوشیاری تەندروسی بەشیگ لە چالاکیەیل رووژانەی ئایەم بوود، و تەنیا پشت وە تاقیگەیل و وەشکین پزشک نەوەسێد.
وتیش؛ بایەتە ئایەم ئەو خوەراکەیلە پەسەن بکەێد ک سوود ئەرای دیرن، ئەراوە ئی فیستیڤاڵەیلە گرنگە تا لەبان خواردن و پەسەنکردن خواردن و خوەراک هوشیاریان بکەێد.
لەلای خوەییش، دینا جەمال، ئەو لایەنە ک فیستیڤاڵەگە ڕێک خەێد، ئەرا ئاژانس شەفەق نیوز وت: ئامانج لەی فیستیڤاڵە خوەی گرنگیدانە وە کەلتور خواردن، ک فرە لە دەوڵەتەیل جەهان ئاهەنگ کەن و فیستیڤاڵ لەی باوەتە رێکخەن، و خوازیمن خود ئەزموون باریمنە هەرێم کوردستان، و یەک هەفتە ئەرا کلتوورەیل جیاجیا لە خواردن تەرخان بکەیمن.
