وینە.. دراوردن تەرم دوو برا لە چەم دیجلە لە میسان خنکیانە
2022-10-15T12:51:55+00:00
شەفەق نیوز/ مەفرەزەیل وەڕێەوبەرایەتی پۆلیس پارێزگای میسان، ئمڕوو شەممە، دراوردن تەرم دوو برا راگەیان تەمەنیان ها ناونی ١٢ و ١٥ ساڵان، لەناو ئاو چەم دیجلە نزیک پیەڵ شوهەدا لە شار عمارە مەلەوانی کردنە و خنکیانە.
وەڕێەوبەرایەتی پۆلیس لە بەیاننامەیگ رەسیە ئاژانس شەفەق نیوز: دویای رەسین زانیاری لە رویداویگ خنکیان، مەفرەزەیل بەش پۆلیس ئاوی رەسینە شوین رویداوەگە، تا دویای چەن ساعەتیگ لە خنکیانیان هەردوگ تەرمەگە درارن، و باوەتەگە هەواڵەی بنکەی پۆلیس کریا ئەرا تەواوکردن ریکارەیل یاسایی.
وتیش: پۆلیس ئاوی وەرجەیە داوا لە خانوادەیل کرد نەیلن کوڕەیلیان لەناو چەم دیجلە مەلەوانی بکەن چوینکە رخیگ لەباناین دروس کەێد، تایبەت ئەوانەگ مەلەوانی نیەزانن.
