وینە...تەواوکردن قوناغ یەکەم دارستان دەسکرد لە خانەقین
رێکخەر هەڵمەتەگە ئەمیر خانەقینی وە ئاژانس شەفەق نیوز وت، " خوەبەخش و رووشنهویرەیل خانەقین قۆناغ یەکەم گەپترین هەڵمەت دارکاڵین ئەنجامدان ئەرا دروسکردن یەکەمین دارسان دەسکرد لە دەوروگەرد بەنداو ئەڵوەن و وە پاڵپشتی و بەشداریکردن ئیدارەی بەنداوەگە".
وتیش، " قۆناغ یەکەم دارسان دەسکرد کاڵین 500 درەخت بەرهەمدار میوە و جوانی لەبان رووبەر 15 دۆنم زەوی گردە خوەی"، دیاریکرد قۆناغ دویەم "کاڵین 500 درەختتر لەبان 62 دۆنم گرێدە خوەی لەماوەی مانگ شوبات ئایندە، دارسانەگە وە سیستەم دڵۆپاندن ئاو درێد وەلایەن ئیدارەی بەنداو ئەڵوەن پاڵپشتی کریاگە".
خانەقینی دووپاتکرد " پرۆژەی دارسان دەسکرد ئەرا رویوەرویبوین ئاڵشتبوین کەشوهەوا لەبان ئاست جەهانی ئەنجامدریاگە و کە کاریگەری لەبان شار خانەقین و دەوروگەردی دروسکردیە،لەدویای کەمەوبوین رووبەر سەوزایی و بەرزەوبوین پلەی گەرمی لەماوەی دەس کۆتاییە".
وتیش، " رووبەرەیلتر لە زەوی ئامادەکریانە ئەرا رێکخریاگەیل ناودەوڵەتی و مەدەنیەیلیگ ئارەزومەنن ئەرا دەسمیەتیدان رویوەرویبوین وە بیاوان بوین و جیوەجیکردن پرۆژەی سەوزکردن بیجگە لە ئامادەکردن سیستەم ئاودێریکردن مۆدێرن".
