وە ماوەی چەن ساعەتیگ. خەسەخانەیگ عراقی کوشیان و زەخمداری ١٨ زیارەتچی توومار کەێد

شەفەق نیوز/ سەرچەوەیگ خۆجێیی لە قەزای عفەج لە پارێزگای دیوانیە، ئمڕوو چوارشەممە،  خەوەردا ک رووداوەیلیگ هاتوچوو لەناو قەزاگە، ک کوشیان و زەخمداری ١٨ زیارتچی توومار کریا و کەسەیلیگ بیگانە لەناویان بۊی. 

سەرچەوەگە ئەرا ئاژانس شەفەق نیوز وت: خەسەخانەی گشتی عفەک لە پارێزگای دیوانیە، وەماوەی ساعەتەیل گوزەیشتە دوو رووداو توومار کرد،  دوو کەس (ژنیگ عراقی و پیاویگ ئیەانی) بۊینە قوربانی،  وەگەرد زەخمداری ١٦ کەس عراقی و ئیرانی لە مەوقەی گلەوخواردنیان لە زیارەت چلەی ئیمام حسێن لە کەربەلا.