وە ماوەی یەک مانگ.. ٣٠ زەۊیلەرزە دەێدە عراق
شەفەق نیوز/ وەزارەت گواستنەوەی عراق/ دەزگای گشتی کەشوهەوا و رەوانگەی زەۊیلەرزە، راپۆرت مانگانەی زەۊیلەرزە لە عراق و ناوچەیل کناری، ئەرا مانگ کانوون یەکەم ٢٠٢١ بڵاو کرد.
سەمیرە رزا خەلەف وەڕیەوبەر بەش زەۊیلەرزە لە تووڕ رەوانگەی زەۊیلەرزەی عراق دیاری کرد ک، ئی مانگە ٣٠ زەۊیلەرزە بۊێە، ١٦ لەرزە لەلیان لەناو عراق و ١٤ لەرزس لەناو ئیران بۊیە، و نزیک ناوچەیل سنووری عراق، و تونییان لە ٣،٢ تا ٣،٨ بۊیە، و قۊلییان لە ٤ تا ١٩ کیلومەتر بۊیە.
هەرلیوا، لەرزەیل ئی مانگە وەشیوەی ئاشکرایگ لە پارێزگای سلێمانی لە قەزایل چەمچەماڵ و کەلار و خوەرئەڵات دەریاچەی دوکان بۊیە، و پارێزگای نەینەوا لە باکوور تەلەعفەر، پارێزگای کەرکوک، و پارێزگای دیالە لە مەنەلی و خانەقین و قەرەتەپە بۊیە.
خانمە وەرپرسەگە وتیش؛ ئەو لەرزەیلە لە نزیک سنوور عراق و ئیران و ناو ئیران لە پارێزگایل کرمانشاە و ئیلام و کوردستان و ناوچەیلیگ تر رەسیەسە ١٤ لەرزە.
باس ئەوەیش کرد ک ناوچەیل خوەرئاوا و باشوور عراق هۊچ زەۊیلەرزە لەناویان نەۊیە، و یەیشە سرووشت جۊلەی پارچەی عەرەوی لە نلبەش باکوور خوەرئەڵات عراق نشان دەێد، و زیایبۊن زەۊیلەرزە وەرەو ناوچەیل لەیەکدان
وتیش، جەم گشت راپۆرتەیل دەرچگە رەسێدە پەنج راپۆرت و هۊیچ زەرەرد گیانی یان ماددی لە ناوچەیل لەرزەیلە توومار نەکریایە.
