وەماوەی ٦ مانگ.. زیاتر لە ١٠ هەزار ئاگر لە عراق
شەفەق نیوز/ وەڕێەوبەرایەتی وەرگری شارستانی عراق، ئمڕوو سێشەممە، زیاتر لە ١٠ هەزار رویداو ئاگر لە نیم یەکەم ئی ساڵە توومار کرد، ودیاری کرد ک بەشە گەورەگە ئەرا پارێزگایل بەغداد و بەسرە و نەینەوا بوی.
عەمید جەودەت عەبدولڕەحمان وەڕیەوبەر بەش پەیوەندی لە وەڕێەوبەرایەتیەگە ئەرا ئاژانس شەفەق نیوز وت: ئەو ئاگرەیلە ک لە ماوەی شەش مانگ گوزەشتە توومار کریانە، لە دە هەزار ئاگر لە گشت پارێزگایل رەد کرد.
وتیش: ئاگر ماڵەیل وکۆمەڵەیل بازرگانی وئەمارەیل فرەتر رویدانە، لەوەر بڕیگ هووکار لەلیان پلەی گەرمی بەرز، و وەکارهاوردن سەردەوکەر ک زوور تیەرێدە بان کارەباگە، وبەدی ئەو تەڵەیل وایەرە ک وەکاری تیارن، ونەوین ئامێر ئاگرکپکردن، وهەمیش پشتگووشخستن رینمایل وەرگری شارستانی.
وتیش: خاسترین چارە ئەرا کەمەوکردن رویداوەیل ئاگر ئەوەسا ک هاووڵاتیەیل پابەند بوون وە رینمایل وەرگری شارستانی وئەو هوشادریەیلە ک لەباوەت وەکارهاوردن چشتەیل دژوە ئاگر لە پووشین روی بینایلە.
عەبدولڕەحمان دووپات لە گرنگی دابینکردن چشتەیل کپەوکردن ئاگر لەماڵ و دوکانەیل، و چەودیریکردن بەرنامەی وەرگری شارستانی لەبان سۆشیال میدیا.
