وەماوەی ٢٤ ساعەت.. بەسرە دویەم گەرمترین شارە لە جەهان

 ویستگەی پلاسەرڤیل لە ویلایەت کالیفۆرنیای ئەمریکا خشتەی ١٥ ناوچە و شار جەهانی بڵاو کرد کە بەرزترین پلەی گەرمی لە جەهان توومار کردنە لە ماوەی ٢٤ ساعەت گوزەشتە.

 لەو خشتە دەرکەفتیە کە ناوچەی "ئەهواز" لە ئیران بەرزترین پلەی گەرمی لە جەهان توومار کردیە کە 49.8 پلەی سەدی بویە، لە دویای ئەویش ناوچەی "فڕۆکەخانەی ناودەوڵەتی بەسرە" لە عراق وە 49.7 پلەی سەدی و لە پلەی سێیەمیش شار "عەبادان"  لە ئیران وە 49.4 پلەی سەدی، ئیجا ناوچەی "عمادیە" لە ئیران هاتە پلەی چوارەم وە پلەی گەرمی 49.3 پلەی سەدی، هەرلیوا ناوچەی "عەمارە" لە عراق کەفتە پلەی پەنجەم  وە پلەی گەرمی 49 پلەی سەدی.

 وەپەی خشتەگە ، ناوچەی “به سرەت الحسێن” له عراق له پلەی شەشەم هات، که پلەی گەرمی 49 پلەی سیلیزی بوی، و ناوچەی “سافی ئاباد دێزەفول” له ئیران له پلەی هەفتەم هات، وە 48.9 پلەی سیلیزی، لە وەختیگ ناوچەی “فڕۆکەخانەی ناودەوڵەتی کوەێت” لە کوەێت پلەی هەشتەم وەدەس هاورد، وە 48.8 پلە، شار “ئەحسا” لە سعودیە لە پلەی نۆهەم وە پلەی گەرمی 48.7 پلەی سەدی، هەرلیوا ناوچەی “فاو” لە عراق هاتە پلەی دەهەم  وە 48.5 پلەی سەدی، لە دویای ئەویش “قەیرەوان” لە تونس لە پلەی 11 وە  48.4 پلەی سەدی، ئیجا ناوچەی «ئەدرار» لە جەزائیر وە 48.3 پلەی سەدی کەفتە پلەی ١٢هەم، و ناوچەی «ناسریە» لە عراق کەفتە پلەی ١٣  وە ٤٨ پلەی سەدی، لە دویای ئەویش ناوچەی “رفاعی” لە عراق لە پلەی ١٤ وە پلەی گەرمی ٤٧.٨ پلەی سیلیزی، ئیجا شار "توزەر" لە تونس  وە 47.8 پلەی سەدی.