وە قسەی کەسوکاری.. خوەیکوشتن پۆلیسیگ لە بەغداد
2022-07-19T08:24:58+00:00
شەفەق نیوز/ سەرچەوەیگ ئەمنی وەرپرس، ئمڕوو سێشەممە، خەوەردا لە خوەیکوشتن ئەندامیگ لە وەزارەت ناوخۆ، لە خوەرئاوای بەغداد پایتەخت، وەگورەی قسەی کەسوکاری.
سەرچەوەگە ئەرا ئاژانس شەفەق نیوز وت: پۆلیسەگە وە چەک خوەی گولە دالە زگ خوەی، ئەوەیش لە قەزای ئەبو غرێب خوەرئاوای بەغداد.
وتیش: پۆلیسەگە کار لە وەڕێوەبەرایەتی K9 لە پارەگای گشتی لە بەغداد کار کەێد، وتیش: برای قوربانیەگە رەسانەی خەسخانە، و دەسەڵاتەیل ئەمنی لێکۆڵینەوە ئەرا روسین وە بندروس خوەیکوشتنەگە واز کردن.
