وەفەرمی.. بانک ناوەندی عراقی راگەینێد کەمەوکردن نرخ دینار

شەفەق نیوز/ بانک ناوەندی عراق، ئمڕوو شەممە، راگەیان وە فەرمی لە راسەوکردن نرخ خەرج دۆلار ئەمریکی تا بوودە ١٤٥ هەزار دینار وەرانوەر ١٠٠ دۆلار.

بانکەگە لە بەیاننامەیگ رەسیە ئاژانس شەفەق نیوز وت؛ لەماوەی مانگەیل دویایین، باسکردنەیل فرەیگ وەگەرد سەرۆک وەزیران و وەزیر دارایی و دەسەڵات یاسایی لەباوەت رەوش ئابووری وەگشتی و قەیرانە داراییەگە وە تایبەت کریا، و هەمیش ئەنجومەن وەڕێۆبەرایەتی بانکەگە  چەن کۆبونەوەیگ کرد لەناو بەشیگیان میوانی وەزیر دارایی ئەرا خود باوەتەگە کریا.

وتیش: شیواشوەگە لە ئابووری عراق هیشت دارا دایی گشتی هەژارەو بوود، و دەسپاچەی توانای چاکسازی کرد م حکومەت و وەزارت دارایی خوازن ئەنجامی بیەن، و هەڕەمەکی نییە ک رەوش دارایی وەی خراویە بوود، و کار ئمساڵ و پارەکە نییە، بەڵکم وەداخەو ک لە زیاتر لە پانزە ساڵەو ریشە داگە لەوەر سەرکردەی سیاسەت ئابووری، و زاڵکردن هویر سیاسی و خوازین سیاسیەگان لەبان هویر ئابووری، و بنەمایل پەیوەندیەگان لەناونی سیاسەت و ئابووری لەلاییگ و سیاسەتەیل دارایی و پویلی لەلاییگ تر، ک سیاسەت دارایی کەفتە دویا لە ئەرکەیل خوەی، و سیاسەت پویلی خەریک دەسپیچگەیل هەڵپرکیاگ سیاسەت دارایی بوی.

بانکەگە ئاماژە کرد ک هەنای سیاسەت ئابووری و دارایی کەفتە پای خوازین سیاسیەگان و سەرەقاڵییان، دویاترین نموونە گونجایەگان لە ئیدارەی دارایی لەناو برد، و ئەرک ئەو ئیدارە خستە بان دابەشکردن داهاتە نەفتیەگان لەبان مووچە و کارکردن، و وەزارەت دارایی نەکەفتە ئەرکەیل رەسەن خوەی لەباوەتە ئابووریەگە، هەمیش خاوەن زانیاریەیل ئابووری و دارایی نەوی ک کارەگەی خوەی و خاوەن بڕیارەگان ئاسانەو بکەێد.

وتیش؛ لەوەر  گشت ئی رەوشەیلە، هیچ لەنوای بانک ناوەندی نەوی مەگەر تەنیا دەسوەردانیگ لە چەن دەرفەتیگ، ئەرا پاڵپشتی دارایی گشتی و رزگارکرن داواکاریەیل خەرجە گشتیە دەسپاچەگە، بەڵکم ئەو نییە ک ئی دەسوەردانەیلە وەبی پابەندی و وەبی کۆتایی بمینێد.

بەیاننامەگە وتیش: بانک ناوەندی لەو سەختیەیلە ک کەفنە نوای نیازەیل چاکسازی  ک حکومەت روی وەپیان کەێد، بەڵکم ئەوە نوای هیچ کامەیلیگ ئەرا دەسەڵات پویلی ئەرا چاکسازیەگان نێگرێد، وەتایبەت لە دامەزراوەیل باج و گومرگ، و کەمەوکردن و گونجانن خەرجەگان بکریەێد، و ئەوە گشتی کەفێدە پای توانا و خوازینە سیاییەگان لەلای دامەزراوە باڵاگان دەوڵەت ک پشتگیری لە نیاز حکومەتەگە کەێد ئەرا ئەنجامدانی، و کارەگە رویکردن حکومەت وەرەو پاڵپشتی چینە تورتەگان  خوازێد ک ئەوەسا وەشیوەیگ راستەخۆ کاریگەر بوون وە هەر ریکاریگ لە ئاڵشتکردن نرخ خەرجکردن.

و ئاماژە کرد ک بایەدە لەیرا دووپات بکریەێد ک ئی ئاڵشتکردنە (کەمەوکردنە) لە نرخ دینار عراقی تەنیا ئەرا یەک جار بوود، ودووارەو نێەوود، و ئەوەسا بانک ناوەندی وەرگری لەی نرخە و ئارامگردنی کەێد وە پاڵپشتیی وە پشتەدەسە بیگانەگانی ک هیمان هانە ئاستەیل خاسیگ.

وتیش؛ ئی قەیران داراییە ک عراق لەوەر پەتای کۆڕونا و خراوبوین نرخەیل نەفت کەفتیەسە وەری، پەککەفتن گەورایگ خستە بوودجەی گشتی وناچار وەزارەت  دارایی کردە قەرزکردن لە بانکەگان و بردنەوەی قانجازەگانی لەلای بانک ناوەندی وە بڕەیل گەپیگ، ئەرا خەرجکردن مووچەگان و جیوەجیکردن ئەو خەرجەگان، و هەمیش وەردەوامی لە نرخ ئیسەی دۆلار ک وەگشتی نەگوجیاگە وەگەرد ئاستەیل نرخەیل   م بویە ریگری گەورایگ لەنوای ئەوزەڵکردنە راسیەگە و پاڵپشتی رکابەریەگە ئەرا بەرهەمکاری، ک هیشت بانک ناوەندی وەڕاسیەو هویرەو بکەێدە سپۆنسەرکردن بوودجەگە وە نرخ خەرجکردنیگ ک بیلێد ئی داواکاریەیلە لە خەرجکردن حکومەتی مسۆگەر بکەێد، و لە رک بانکەگە لە نواگردن لە تەواوبوین پشتدەسە بیگانەگانی ئەرا وەردەوامی لە ئارامگردن پویلی لە عراق، و ئەرا پاڵپشتی دارایی گشتی، چوونکە خوەی راوێژکار حکومەتە و وەرپرسە لە کارەیل ژمێریاریەگانی.

لە بنەمای ئەوانە، بانک ناوەندی عراقی بڕیار راسەوکردن نرخ خەرج پویل بیگانە کرد ئەرا

١٤٥٠ دینار وەرانوەر یەک دۆلار نرخ سەنین پویلە بیگانەگە لە وەزارەت دارایی.

١٤٦٠ دینار وەرانوەر یەک دۆلار نرخ فرووشتن پویلە بیگانەگە ئەرا بانکەگان.

١٤٧٠ دینار وەرانوەر یەک دۆلار نرخ فرووشتن پویلە بیگانەگە ئەرا جەماوەر.