وەسێدارەدان ئەو وەرپرسە لەبان تەقینەوەی بازاڕ باڵە
شەفەق نیوز/ دادگای تاوانی ناوەندی لە سەرۆکایەتی دادوەری فیدراڵی بەغداد رەسافە، فەرمان وەسێدارەدان لەبان (والی باشوور) لە ریخریاگ داعش تیرۆریست دەرکرد، ک یەکرم وەرپرسە لە تەقینەوەگەی بازاڕ باڵە لەناوچەی باب شەرقی لە بەغداد پایتەخت، سەرەتای ساڵ گوزەشتە، ک دەیان لە کوشیان و زەخمداری لەلی کەفت.
ناوەند راگەیانن ئەنجومەن دادوەری باڵا لە بەیاننامیگ رەسیە ئاژانس شەفەق نیوز وت: ئەو تاوانکارە دان لە لایەنگریی ئەرا چەتەیل داعش تیرۆریست دا، ک هەر لە ساڵ ٢٠١٢ وەگەریان بویە، وپلان ئەرا پەلامارەیلیگ لە بەغداد دانایە، و دوو خوەیکوش ئامادە کردیە ئەرا جیوەجیکردن تەقینەوەی ناوچەی باب شەرقی (بازاڕ باڵە).
دادگاگە وتیش: نووڕست ک بەڵگەیلە بەش ودڵنیا لە تاوانباریی کەن، وەگورەی فەرمانەیل مادەی چوار تیرۆر.
ئەو تەقینەوەی دووانەکیە، لە کانوون دویەم ٢٠٢١ بازاڕیگ جەماوەری ئەرا فرووشتن دڵنگ باڵە لە مەیدان تەیەران ناوڕاس بەغداد کردە ئامانج، ودەیان لە قوربانی وزەخمدار لەناوی کەفت.
