وەسێدارەدان ١٤ کەس بەشداری لە کوشتار سپایکەر کردنە
2023-01-26T11:22:29+00:00
شەفەق نیوز/ دادگای نەهیشتن تاوانەیل ناوەندی لە رەسافەی بەغداد، ئمڕوو پەنجشەممە، فەرمان وەسێدارەدان لەبان ١٤ تاوانکار دەرکرد بەشداری لە کوشتار سپایکەر کردنە، ک ریخریاگ داعش لە ساڵ ٢٠١٤ جیوەجیی کرد.
ناوەند راگەیانن ئەنجومەن دادوەری باڵا لە بەیاننامەیگ رەسیە ئاژانس شەفەق نیوز وت: ئەو تاوانکارەیل تیرۆرستە بەشداری لە جیوەجیکردن کوشتار سپایکەر کردنە، دویای کوشتن زیاتر لە ١٧٠٠ کەس لە خوەنەوارەیل سەربازگەیگ لە پارێزگای سەڵاحەدین وە هاندان تیرۆری.
بەیاننامەگە وتیش: ئەو فەرمانە لەبان تاوانکارەیل تیرۆرستەیل لە بنەمای مادەی چوار لە یاسای دژەتیرۆر شمارەی ١٣ ئەرا ساڵ ٢٠٥٥ دەرچگ.
جی باسە ک ریخریاگ داعش گولەواران نزیکەی ٢٠٠٠ کەس کەی ک خوەنەوار لە کولێژ فڕۆکەوانی و ئەندام ئەمنی بوینە لە سەربازگەی سپایکەر لە پارێزگای سەڵاحەدین، هەنای داعش لە حوزەیران ٢٠١٤ ناوچەگە داگیر کرد.
