وەسێدارەدان "ئەبو ئەنەس" ک وەرپرسە لە دەرکردن زیندانیەیل ئیسحاقی
شەفەق نیوز/ دادگای نەهیشتن تاوان سەڵاحەدین، ئمڕوو پەنجشەممە، فەرمان وەسێدارەدان لەبان تیرۆریست وەرپرس لەبان دەرکردن کەسەیلیگ گیریای لەناو زیندان بنکەی ئیسحاقی دویای شکانن زیندانەگە.
ناوەند راگەیانن ئەنجومەن دادگای باڵا لە بەیاننامیگ رەسیە ئاژانس شەفەق نیوز وت: دادگای نەهیشتن تاوان سەڵاحەدین، فەرمان وەسێدارەدان لەبان تیرۆریست "ئەبو ئەنەس" دەرکرد ک ئەندام بوی لە پۆلیس ئیسحاقی، و یەکیگە لە چەتەیل داعش، چوینکە زیندان بنکەی پۆلیس ئیسحاقی شکانیە، و دەسگیرکریایل ناوی دەرکردیە، ئیجا چەک هەڵگردیە و جەنگ لە روی هیزە ئەمنیەیل کردیە.
دادگاگە وتیش: فوینکە تاوانبارەگە ئەندام لە پۆلیس فیدراڵی بویە، و لەخود وەختەگە ئەندام ریخریاگ تیرۆری بویە، دادگاگە سەخترین سزا لەبانی چەسپان، ئەراوە بڕیار تاوانبارکردنی دا وەگورەی مادەی دوو/١/٣/٥ وە بەڵگەی مادەی چوار/١ لە یاسای دژەتیرۆر.
