وەسێدارەدان کابرایگ جەزائیری عراقییگ لە بەغداد کوشتگە
2021-10-20T11:56:48+00:00
شەفەق نيوز/ سەرچەوەیگ ئەمنی لە پارێزگای زیقار، ئمڕوو چوارشەممە،خەوەردا ک دادگای تاوانەیل زیقار چەن فەرمانیگ دەرکرد، لەلیان وەسێدارەدان کابرایگ جەزائیری.
سەرچەوەگە ئەرا ئاژانس شەفەق نیوز وت: دادگای تاوانەیل زیقار، فەرمان وەسێدارەدان لەبان دوو کەس دەرکرد، یەکیگیان جەزائیریە، دۊیای توومەتبارکردنیان وە کوشتن هاووڵاتییگ عراقی، ک وەرجە چەن ساڵیگ چینەسە ناو دوکان خەرجکردن پۊلی لە ناوڕاس بەغداد پایتەخت.
وتیش: دادگاگە فەرمان لەبان کابرایگیش دەرکرد وە تاوان کوشتن و سزانژ ماڵەیل کەسەیلیگ لە مرافەیگ هووزانە لە شار ناسریە.
