وەزارەت ناوخۆ بڕیار هەشمارکردن خزمەت سەربازی دەێد

شەفەق نیوز/ وەزارەت ناوەخۆی عراق، ئمڕوو دوشەممە، فەرمان ئیداری دەرکرد ئەرا هەشمارکردن خزمەت سەربازی ئەرا فەرمانبەرەیل مەدەنی.  

لە بەیاننامیگ رەسیە وە ئاژانس شەفەق نیوز وت: بریکار یەکەم وەزارەت ناوەخۆ حوسێن عەوادی فەرمان ئیداری دەرکردگە وە گورەی شمارەی (10629) لە (25 كانون دۊیەم 2022) تایبەت وە هەشمارکردن خزمەت سەربازی فەرمانبەرەیل مەدەنی. 

وەگورەی بەیاننامەگە فەرمانەگە هەشمارکردن خزمەت سەربازی 501 فەرمانبەر گرێدەو ک ئەندامن لە وەڕێەوبەرایەتی باری شارستانی و پاسپۆرت و نیشتەجیبۊن و هەژشمارکردن خزمەت سەربازی ئەرا چوار کارمەن لە بەشەگانتر سەر وە وەزارەتەگە.