وەزارەت دەرەوەی عراق پرسەو سەرەخۆشی شاژن کووچ کردگ ئلیزابێت دویەم کەێد
2022-09-09T09:59:10+00:00
شەفەق نیوز/ وەزارەت دەرەوەی عراق، ئمڕوو جومعە، وە بوونەی کووچکرد شاژن بەریتانیا ئلیزابێت دویەم پرسە راگەیان.
وەزارەتەگە لە بەیاننامیگ ئمڕوو وت، " سەرەخوەشی و هاوخەمی خوەی ئەرا حکومەت یەکگرتگ شانشینیەتی و ملەتە دوسەیلی کەێد ، وە بوونەی کووچکردن شاژن ئلیزابێت دوویەم، ک دەور گرنگیگ داشت لە مێژوو و کۆمەڵایەتی و سیاسەت شانشینەگە و دوسەیلی".
رووژ پەنجشەممە کۆشک باکنگهام مردن شاژن بەریتانیا ئلیزابێت دویەم راگەیان، لە تەمەن 96 ساڵی، دویای ئەوەی تویش گرفت تەندروسی هات.
شاژن لە بڕوار 6 شوبات ساڵ 1952 دەسڵات گردە دەس و لە بڕوار 2 حوزەیران 1953 تاج نریایە سەری و تا مردنی وەردەوام بوی لە فەرمانڕەوایی
