وەزارەت دەرەوە... کار کەێد ئەرا گلەوداین دوو تەرم عراقی ک لە سنوور تورکیا و بولگاریا کوشیانە

ئەحمەد سەحاف قسەکەر وەزارەت دەرەوە لە بەیاننامەیگ رەسیە ئاژانس شەفەق نیوز وت؛ " بالیۆزخانەی کۆمار عراق لە بولگاریا وەگەرد دەسڵاتدارەیل و پاسەوانەیل سنووری بولگاری وەدیاچگن ئەکەن لە رویداو کوشیان دوو هاوڵاتیە عراقیەگە لەبان سنوور تورکیا و بولگاریا، ک هەردگیان تورکیا وەجی هیشتنە و وە ئاراستەی بولگاریا چینە وە ئاراستەی وڵاتەیل ئەوروپی، وە شیوەی نائاسایی.

 وتیش" بالیۆزخانەگە ئاگاداریگ لە کەسوکار قوربانیەیل وەپی رەسیە، بالیۆزیگ ئەرا شوین رویداوەگە لە شار بورغاس لە بولگاریا کلکریایە ئەرا هەماهەنگی کردن وەرد پاسەوان سنووری و زانستن هووکار رویداوەگە، ئاسانکاریکردن رێکارەیل کلکردنیان ئەرا عراق".