وەزارەت تەندروسی عراق هوشداری لە گلەوخواردن کۆڕۆنا دەێد

شەفەق نیوز/ وەزارەت تەندروسی و ژینگەی عراق، ئمڕوو شەممە، هوشداری لە گلەوخواردن گورجی ڤایرۆس کۆرۆنا دا، لەوەر کەمی ئاست وەاکسینگردن وزیایبوین ئاست تیکڵابوین و قەرەباڵغی و کەمی ریکارەیل مقەیەتیکردن.   

لەی رووژەیل دویاییە، شمارەی تۊشهاتنەیل رووژانە لە ٤٠٠ رەد کرد، باوجی ئاست وەرگردن واکسین هەر لەبان ١٢ هەرزا لە رووژیگ مەن.  

هەیسەم عوبەیدی وەڕێەوبەر پاڵپشتیکردن تەندروسی لە وتاریگ رووژنامەوانی وت: دووارە بەرزەوبوین شمارەی تۊشهاتنەیل وە ڤایرۆس کۆرۆنا لەی دویاییە، لەوەر چەن کاریگ هات، لەلیان کەمی ئاست وەرگردن واکسین دویای دڵنیابوین لە تەواوبوین پەتاگە، ک یە راس نییە.     

وتیش: هەر کەسیگ سێیەم تاقەبەش واکسین خوازێد، تایبەت دویای زیایبوین تۊشهاتنەیل، چ لە واکسین فایزەر بوود یا سینۆفارم یا ئەسترازنیکا، تا ئیجا کارت پاریزبەندی وەربگرن.