وەزارەت تەندروسی ئاشکرای راسی ڤایرۆسیگ کەێد کە گوایە لە بەغداد بڵاو بویە

شەفەق نیوز/ وەزارەت تەندروسی عراق، ئمڕوو دووشەممە، ئاشکرای راسی لە ڤایرۆسیگ ئەڵاجەوی کرد کە گوایە لە بەغداد پایتەخت بڵاو بویە.

سەیف بەدر قسەکەر وەزارەتەگە ئەرا ئاژانس شەفەق نیوز وت: ئەو خوەر و زانیاریەیلە کە باس بڵاوبوین ڤایرۆسیگ لە بەغداد پایتەخت کەن راس نیین، و ئیجویر ڤایرۆسیگ هەر نییە، وەگورەی ناوەند بیماریەیل پەتایی لە فەرمانگەی تەندروسی گشتی.

بەدر دووپات کرد لە گرنگی نەکەفتن وەشوین ئەوەگ خوازێد خەوەر درووکانی بڵاو بکەێد، و پشت وە زانیارییەیل پزشکی و تەندروسی لە سەرچەوەیل فەرمی بوەسن.

چالاکوانەیلیگ هوشداری لە بڵاوبوین ڤایرۆسیگ ئەڵاجەوی بڵاو کردن کە نشانەیل رخداریگ جویر قوتەی وەردەوام و تەو و زگچین پەیا کەێد، کە هیشت شمارەی فرەیگ بڕەسنە خەسەخانە.