وەزیر ناوخوەی عراق راگەیان لەماوەی سێ رووژ دەسنانە وەبان زیاتر لە 50 کیلوگرام مادەی هووشبەر
2024-02-22T10:20:40+00:00
شەفەق نیوز/ وەزیر ناوخوەی عەبدولئەمیر شمەری، ئمڕوو پەنجشەممە، راگەیان لەماوەی سێ رووژ گوزەشتە دەسنریایە وەبان زیاتر لە 50کیلوگرام مادەی هووشبەر.
شمری لە بەیانیگ رووژنامەوانی لە پەراوێز سەردانەگەی ئەرا قەزای دجێل لەپارێزگای سڵاحەدین وت، وەزارەتەگە کاریگ گەورا ئەنجامدایە لە باوەت بەڕەنگاربوینەوەی مادەی هووشبەر و کاریگەری دەروینیەگان لە سەرانسەر عراق.
وتیش، شەوەکی ئمڕوو دەسنریایە وەبان 15کگم مادەی کریستال هووشبەر وەگەرد دەسگیرکردن توومەتبارەیل کە ئەو مادەیلە وەپیان بویە، هەمیش دەسنریایە وەبان زیاتر لە 50 کیلوگرام مادەی هووشبەر لەماوەی سێ رووژ گوزەشتە.
وەزارەتەگە لە گوزەشتە راگەیان سزای زیارتر لە 7 هەزار زیندانی دریایە وە توومەتەیل پەیوەنیدار وە بازرگانی و کیشان و بڵاوکردن مادەی هووشبەر لە لەماوەی ساڵ 2023، کە پێکتێد لە زیدانیکردن هەمیشەیی و لە سێدارەدان و سزایەیل ترەک.
