وەزیر دەیشت عراق: داعش لە سوریا درەیژەو بوی و چەک و پیاوەیلیگ زیاتر کەفتە دەسی

شەفەق نیوز/ فوئاد حسێن وەزیر دەیشت عراق، هوشداری دا لە رخداری درەیژەویوین ریخریاگ داعش لە سوریا و چەک کەفێدە دەسی و کەسەیلیگ نوو چنە ناوی، دویای رمیان رژیم بەشار ئەسەد وەدەس ئۆپۆزسیۆن چەکدار.

حسێن لە پەراویز کۆڕبەند داقۆس وت: ئەو شوینە کە هادەس ریخریاگ داعش لەناو سوریا پەسا درەیژەو بووۆ.

 وتیش: تیرۆریستەیل داعش  و ئەو گرووپەیل ترەک توانای دەسنایەن وەبان چەکەیلیگ زیاتر دیرن چوینکە سوپای سوریا شکیاوە، وتیش: چەک فرەیگ کەفتە دەسیان و ئەندامەیل نوو چگنە ناو داعش وەگورەی زانیاریەیل ئیمە.

 فوئاد حسێن وتیش: تیرۆرستەیل داعش هانە بان سنوور ئیمە هەمیش لەبان سنوور ئوردن، ئەراوە ئی خاڵە نیگەران کەێد، هەمیش نیگەران برادەرەیلمان لە سوریایش کەێد.

عراق رخی لە دووارەبوین سیناریۆی ساڵ 2014 چوود، هەناێ ریخریاگ داعش توەنست ناوچەیل فرەیگ لە وڵاتەگە داگیر بکەێد.