وەزیر دەرەوەی رووسیا لەی هەفتە رەسێدە بەغدا
2023-02-04T09:37:11+00:00
شەفەق نیوز/ سەرچەوەیگ وەرپرس لە وەزارەت دەرەوەی عراق، ئمڕوو شەممە، ئاشکرای سەردانیگ چەوەڕی کریاگ وەلایەن سیرگی لافرۆف وەزیر دەرەوەی رووسیا ئەرا بەغداد پایتەخت کرد.
سەرچەوەگە ئەرا ئاژانس شەفەق نیوز وت: سیرگی لافرۆف وەزیر دەرەوەی رووسیا، ئەوەسا لە رووژ دووشەممەی ئایندە وەیاوەری شاندیگ حکومەتی و بڕیگ لە کۆمپانیایل گەپ رووسی سەردان بەغداد کەێد، و چەوی کەفێدە فوئاد حسێن هاوسەنگی وەگەرد سێ سەرۆکایەتی عراق.
سەرچەوەگە ک نەخوازێد ناوی ئاشکرا بوود وت: سیرگی لافرۆف وەزیر دەرەوەی رووسیا ئەوەسا لە بەغداد باس باوەت وزە و نەفت و گاز و کار کۆمپانیایل رووسیا کەێد، وەگەرد باوەت چەک، وتیش: شایەت بڕیگ رێککەفتن جیاجیا لەناو گردەوبوین لافرۆف وەگەرد وەرپرسەیل عراقی بوود.
