پویچەڵکردن تەقەلای رفانن دوو خوەنەوار لە مەکتەویگ بەغدا

شەفەق نیوز/ وەڕێوبەرایەتی پاراستن ئاسانکار و کەسایەتیەیل سەر وە وەزارەت ناوخوەی عراق، ئمڕوو جومعە، راگەیان سێ توومەتبار دەسگیر کردنە ک تەقەڵای دزین دوو خوەنەوار دانە لە وەخت دەرچگنیان لە مەکتەو لە بەغدای پایتەخت.

 وەڕیوبەرایەتیەگە لە بەیاننامەیگ رەسیە ئاژانس شەفەق نیوز راگەیان، "پاسەوان مەکتەو نەهرەوان سەرەتایی سەر وە بەش پاراستن ئاسانکاری شوعلە، یەکیگ لە ‌وەرێوبەراتیەیل، سێ توومەتبار دەسگیرکردنە ک توک توک رانینە و تەقەلای رفانن دوو خوەنەوار دانە لەوەخت دەرچگنیان لە مەکتەو".

وتیش"هێزەیل دەسدانەسە وەر ئەرا مقەیەتیکردن خوەنەوارەیل  وەرجە ئەوەگ توومەتبارەیل دەسگیربکەن و وەشیوەی فەرمی رادەس بنکەی پۆلیس غەزالیەیان بکەن.