کپەوکردن ئاگریگ لەناو دوکان و هۆل وەرزشییگ لە بەغدا
شەفەق نیوز/ وەڕێەوبەرایەتی وەرگری شارستانی، ئمڕوو یەکشەممە، راگەیان کۆنترۆل ئاگریگ کردنە ک لە ناو کۆمەڵگەی هاوکاری لە کازمییەی بەغدا هیز گردیە.
وەڕێەوبەرایەتییەگە ئمڕوو لە بەیاننامەیگ راگەیان، هەشت تیم ئاگرکپکردن کۆنترۆل ئاگرەگە کردنە ک لە ناو بینای کۆمەڵەی هاوکاری دروس بۊیە لە پانەیلەیل (ساندویج پانێل) ک بەشکریاسە وەبان دوکان و هۆڵ وەرزشیگ لە ناوچەی کازمیە.
وەگورەی بەیاننامەگە، تیم ئاگرکپکردن دەورەی شۊنەگەدانە ئاگرەگە لە گوشەیگ گیریدانە و دۊیاجار دەسکردنە وە کوشانەوەی ئەرا وە تەواوی کۆنترۆڵکردن و کوشانەوەی روداوەگە وەبی ئەوەگ کەسیگ زەرەردمەن بوود وەگەرد کەمکردن زەرەردیل ماددی.
وەڕێەوبەرایەتییەگە وت لێکۆلینەوە لە روداوەگە وازکریا لە بنکەی پۆلیس کازمیە ک وەرپرسە لەو ناوچە جوگرافیە ئەرا دیاریکردن هووکار ئاگرەگە لە ری بانگردن پسپۆر دادوەری و وەرگردن نموونە لە شۊن روداوەگە.
