وەردەوامی بەرزەوبوین نرخ دۆلار لە بەغداد و هەولێر
2022-12-24T07:44:30+00:00
شەفەق نیوز/ نرخ دۆلار ئەمریکی وەرانەوەر دینار عراقی، ئمڕوو شەممە، لە بۆرسەی سەرەکی بەغداد و لە هەرێم کوردستان بەرزەو بوی.
پەیامنێر ئاژانس شەفەق نیوز وت: نرخ دۆلار ئەمریکی وەرانەوەر دینار عراقی شەوەکی ئمڕوو، لە بۆرسەی کیفاح و حارسیە لە بەغداد پایتەخت، رەسیە ١٥٢٥٠٠ دینار عراقی وەرانوەر ١٠٠ دۆلار ئەمریکی.
رووژ پەنجشەممەی گوزەشتە، نرخ ١٠٠ دۆلار ئەمریکی رەسیە ١٥١٥٧٠ دینار عراقی.
پەیامنێر ئاژانسمان وتیش: نرخ فرووشتن و سەنین لەناو دوکانەیل ناوخوەیی بەغداد بەرزەو بوی، ک نرخ فرووشتن ١٠٠ دۆلار ئەمریکی رەسیە ١٥٣٠٠٠ دینار عراقی ، و نرخ سەنینی رەسیە ١٥٢٠٠٠ دینار عراقی.
لە هەولێر پایتەخت هەرێم کوردستان، نرخ دۆلار هەمیش بەرزەوبوین توومار کرد، ک نرخ فرووشتن ١٠٠ دۆلار ئەمریکی رەسیە ١٥٢٧٥٠ دینار عراقی، و نرخ سەنینی رەسیە ١٥٢٦٥٠ دینار عراقی.
