وەردەوەردەیگ کەفێدە ناوەین خوەینشاندەرەیل و هیزەیل ئەمنی لەناوڕاس بەغداد
2023-10-01T13:34:45+00:00
شەفەق نیوز/ مەیدان تەحریر لەناوڕاس بەغداد پایتەخت، ئمڕوو یەکشەممە، وەردەوەردەیگ لەناوەین هیزەیل ئەمنی و خوەینشاندەرەیل وەخوەی دی، کە خوەینشاندەرەیل توانستنە بچنە ناو جادە.
پەیامنێر ئاژانس شەفەق نیوز وت: خوەینشاندەرەیل توانستنە لە باخچەی ئوممە دەرچگن، کە لەورا گردەو بوین، و تواستنە داوەزنە ناو جادە تا لەورا لە ساڵیاد خوەینشاندان تەشرین بکەن، وەلێ هیزەیل ئەمنی نوایان گردن.
وتیش؛ ئەو وەردەوەردە نەویە مدوو کەفتن زەخمداری نە لەناو هیزەیل ئەمنی نەیش لەناو ناڕەزایل کە بەشیگیان دەسکردنە ناوجیکردن، و هیشتن خوەینشاندانەگە لەناو باخچەی ئوممە.
لە وەختیگ پارچە ڤیدیۆیلیگ نشان دان کە خوەینشاندەرەیل لە باخچەی ئوممە دەرچگن، و داوەزیانە ناوڕاس مەیدان تەحریر و روی وەرەو چێشتخانەی تورکی کردن، ئەوە دویای ئەوە کە ئیوارەی ئمڕوو شمارەیان زیایەو بوی.
