وەگەرد گەرمیە سەختەگە.. ناوچەیگ عراق داد لەدەس بیئاوی کەێد
شەفەق نیوز/ بڕێ لە خەڵک ناحیەی عەباسیە سەروە قەزای کوفە لە پارێزگای نەجەف، ئمڕوو شەممە، داد لە دەس بڕین ئاو خواردن لە یەکیگ لە ناوچەیلیان کردن، ک یە ئەرا نزیکەی ٤٥ رووژە بڕیاگە.. وەڕێۆبەر ئاو نەجەف عەلی حلاوی ئەرا ئاژانس شەفەق نیوز وت: ئی ناوچە کەفتیەسە دەورگرد ناحیەی عەباسیە کەخوەی چەن ماڵ جیاجیا لەناوی هەس و ناوی ناوچەی سەحاویە، و پەنج کێلومەتر لە پڕۆژەی ئاوەگە دویرە، و لەوەر وەکارهاوردن هەڕەمەکی وەیجوورە وەپی هات.
لەلای خوەییش ئەحمەد فەتللوی وەڕێۆبەر راگەیانن پارێزگای نەجەف ئەرا ئاژانس شەفەق نیوز وت: ئی ناوچە دویرترین ناوچەیلە لە قەزای کوفە و ناحیەی عەباسیە، و رەسانن ئاو ئەرای فرە سەختە.
وتیش؛ ئاو ئاسانترین خزمەتگوزاریە، و وەپیمان گرانە ک ئاو ئەرا ئاژانس ئی ناوچە نەڕەسێد.
خەڵک ناوچەگە لەڕی ئاژانس شەفەق نیوز داوا لە حکومەت خۆجێیی کردن دەس بیەنە وەر تا ئی گیچەڵە خاسەو بکەن.
