وەگەرد داوەزیان دۆلار...داوەزیان نرخ تەڵا لە بازاڕەیل بەغداد و هەولێر
پەیامنێر ئاژانس شەفەق نیوز وت: نرخ فرووشتن یەک مسقاڵ عەیار ٢١ تەڵای خەلیجی و تورکی و ئەوڕوپی لە بازاڕەیل بڕ فرووشتن لە جادەی نەهر بەغداد پایتەخت رەسیە ٤٢٠ هەزار دینار، و نرخ سەنینی رەسیە ٤١٦ هەزار دینار.
پەیامنێر ئاژانسمان وتیش: نرخ فرووشتن یەک مسقاڵ عەیار ٢١ تەڵای عراقی هەمیش داوەزین توومار کرد لەپای ٣٩٠ هەزار دینار، و نرخ سەنینی رەسیە ٣٨٦ هەزار دینار.
لەباوەت نرخ تەڵا لە دوکانەیل زەڕنگەری، نرخ فرووشتن یەک مسقاڵ تەڵای خەلیجی عەیار ٢١ ها ناوەین ٤٢٥ هەزار دینار و ٤٣٥ هەزار دینار، و نرخ فرووشتن یەک مسقاڵ تەڵای عراقی ها ناونی ٣٩٥ هەزار دینار و ٤٠٥ هەزار دینار.
لە هەولێر پایتەخت هەرێم کوردستان، نرخ تەڵا داوەزی ، کە نرخ فرووشتن یەک مسقاڵ تەڵای عەیار ٢٤ رەسیە ٣٩٢ هەزار دینار، و نرخ فرووشتن یەک مسقاڵ تەڵای عەیار ٢١ رەسیە ٤٣٢ هەزار دینار، و نرخ فرووشتن یەک مسقاڵ تەڵای عەیار ١٨ رەسیە ٣٧٢ هەزار دینار.
