وەگەرد بەسیان بۆرسە.. جیگربوین نرخ دۆلار لە بەغداد و داوەزینی لە هەولێر
![وەگەرد بەسیان بۆرسە.. جیگربوین نرخ دۆلار لە بەغداد و داوەزینی لە هەولێر](https://media.shafaq.com/media/arcella/1669730766639.jpeg)
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو سێشەممە، وەگەرد بەسیان بۆرسەی سەرەکی بەغداد جیگر بوی، و لە هەولێر پایتەخت هەرێم کوردستان وە شیوەی کەمیگ داوەزیا.
پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد پایتەخت، ئیوارەی ئمڕوو، لەبان نرخ ١٤٩٥٠٠ دینار عراقی وەرانوەر ١٠٠ دۆلار ئەمریکی دەرەیلیان بەسان، ک هەر خود نرخ شەوەکی ئمڕووە.
پەیامنێر ئاژانسمان وتیش: نرخ فرووشتن و سەنین لە دوکانەیل ناوخۆیی بەغداد جیگیرە، ک نرخ فرووشتن رەسیە ١٥٠٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٩٠٠٠ دینار عراقی.
لە هەولێر پایتەخت هەرێم کوردستان، نرخ دۆلار وەگەرد بەسیان بۆرسە داوەزین کەمیگ توومار کرد، ک نرخ فرووشتن رەسیە ١٤٩٤٥٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٩٣٥٠ دینار عراقی.