" وەرخودان عراقی" راگەینێد وسانن کارەیلی دژوە هێزە ئەمریکیەگان
شەفەق نیوز/ کۆمەڵەی " وەرخودان عراقی"، ئمڕوو شەممە راگەیان وسانن کارەیلی دژوە هێزە ئەمریکی وبیگانەگان لە وڵات، وریداین لەنەوای کیشانەوەی لە وڵاتەگە.
ئەویش لە بەیاننامەیگ هات لە دەسگای هەماهەنگی " وەرخودان عراقی" ک خوەی لایەن نا فەرمی فرە ناسریاگە، ومەزەنە کریەێد باڵبەلیگ چەکدار نزیک وە ئیران هاناوی، لەلیان حزبولای عراقی و عەسایب ئەهل حەق و بزووتنەوەی نوجەبا.
" وەرخودان عراقی"، لە بەیاننامەگەی وت: دەرفەتیگ مەرجدار دەیمنە هێزە بیگانەگان لە رێزگردنمان ئەرا تەقەلا خاسەگان ک بەشیگ لە کەسایەتیە نیشتمانیەگان وسیاسیەگان دانەی، لە داناین خشتەیگ ماوەیی دیار وسنوورداریگ ئەرا جیوەجیکردن بڕیار گەل و ئەنجومەن نۆێنەران و حکومەت ک بڕیار دەرکردنیان لە وڵاتەکە داگە.
بەیاننامەگە هووشداری ئەمریکیەگان کرد هووشداری سەختیگ لە تەفرەداین و خەڵەتانن و وەدویا خستن لە جیوەجیکردن یەکەم داواکاری کەل، وەنە لەو مەوقە ناچار بویمن بچیمنە قۆناغیگ جەنگاوەری پێشکەفتگ و سوود چینی وباری لە تواناگان وەرخودانەگە گریمن.
