وەرپرسیگ کورد: کوڵەی داعش لە گەرمیان یەکەم جاوە بوود
شەفەق نیوز/ شەهاب حاجی ئەحمەد قایمقام کەلار، وت: کوڵەگردن کەلار وە داناین خاڵیگ درووکانی لەبان ری کفری - کەلار شەو سێشەممە، یەکەمە لەی شیوە، لەوەر دزەکردن ئەندامەیل داعش لە سنوور سەڵاحەدین بۊی.
وەرجەیە، سەرچەوەیگ ئەمنی ئەرا ئاژانس شەفەق نیوز وت: دوو قوربانی و دوو زەخمدار، شەو سێشەممە، کە کوڵەگردن چەکدارەیل داعش لەناوبەین قەزای کفری و ناحیەی سەرقڵا کەفتن.
ئەحمەد ئەرا ئاژانس شەفەق نیوز وت: رووداوە تیرۆریەگە یا کەمینە ناکاویەگە تیرۆریستەیلە لەبان ری ناوبەین کفری و سەرقڵا لە ئیدارەی گەرمیان جیوەجیی کردن، و بۊیە هووکار دوو کوشیان و سێ زەخمدار لە مەدەنیەیلە.
و مەزەنە کرد ک ێەندامەیل داعش لە تەپەیل دەورگرد دووزخورماتوو لە دوڕیان سليمان بێگ هاتنەسە بان ریەگە تا گوڵەی تیرۆری جیوەجی بکەن، و یە یەکەم رووداوە لەی شیوە و وەرجەیە ناوچەیل کفری و کەلار نەۊیە.
ئەحمەد باس حەشارەگەیلیگ ئەرا ئەندامەیل داعش لەناو تەپەیل دەورگرد دووزخورماتوو هەس لە خوەرهەڵات سەڵاحەدین، و شایەت وە ماتوورسکڵ لەناونەین ناوچەیلە گەردن، و دیاری کرد ک ئەوانە لەبان ئۆپراسیۆنە خەسەیلەی پێشمەرگە و سوپا وە پاڵپشتی هاوپەیمان ناودەوڵەتی لە ماوەیل گوزەیشتە، رەسینە بأن ری کفری – کەلار.
وتیش: سنوور دووز وەگەرد کفری چەن شۊنیگ سەخت و ناوچەیل قایمیگ هالە ناوی، ک ئۆپراسیۆنەیل ئەمنی خەسیگ خوازێد تا کۆتایی وە حەشارگەیل تیرۆریستەیل بارێد، و نوایان لە جیوەجیکردن پەلامارەیل نوویگ و کوشتارەیل خۊینین بارێد.
