وەرپرسیگ حکومەتی کەفێدە وەر دەسوەشانن لەناوڕاس بەغداد
شەفەق نیوز/ سەرچەوەیگ ئەمنی، ئمڕوو پەنجشەممە، خەوەردا ک وەرپرسیگ حکومەتی لە وەزارەت ژینگەی عراق، لەلایەن کەسەیلیگ نەناسریاگ لەناوڕاس بەغداد دەس لەلی وەشیا.
سەرچەوەگە ئەرا ئاژانس شەفەق نیوز وت: کەسەیلیگ نەناسریاگ، دویەشەو، دەسدرۊژی لە ئەمیر عەلی حەسون وەڕیەوبەر راگەیانن وەزارەت ژینگە کردن وشویشەی ماشینەگەی شکانن، هەنای لەنزیک وەزارەت نیشتەجیبوین لەناوچەی ساڵحیەی ناوڕاس بەغداد بوێ، ودیاری کرد ک پەلاماردەرەیل لەو شوینە واینە.
وەگورەی سەرچەوەگە، هووکار رویداوەگە ئاشکرا نەویە ئایا ئەگەر دوژمنی بویە یا تەقەلای دزیکردن، وتیش حەسون ئەرا خەسخانەیگ نزیک کلکریایە، و لێکۆڵینەوە لە رویداوەگە واز کردن.
لەلای خوەییش، حەسون لەبان هەژمار خوەی لە فەیسبووک نویسان: سوپاس ئەرا خودا ک لە تەقەلای کوشتن غەداریگ قورتارم کرد، سوپاس هیزەیل ئەمنی لە ساڵحیە کەیمن ک وە پیشەیی بەرزیگ وەگەرد رویداوەگە رەفتار کردن.
