وەرگیری شارستانی و مەردم 7 ئاگر لە ناوەین سەلاحەدین و کەرکوک کپەوکردن
2023-05-19T10:56:08+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو جومعە، خەوەردا دویەشەو 7 رویداو هیزگردن ئاگر کپەوکریایە ک هووکارەگەی گرمەهڕ بویە لەبان بەرهەمەیل گەنم.
سەرچەوەگە وە ئاژانس شەفەق نیوز وت، تیم وەرگیری شارستانی و مەردمەگە ئاگر ناو زەویزار گەنم کپەوکردنە لە ئاوای حەسەن و جیورە و سەنکول لە دەوروگەرد دوزخورماتوو خوەرهەڵات سەڵاحەدین نزیک سنوور کەرکوک لەلایتریش 4 ئاگرتر لە ئاوای بەساتملی و زەنجیلی کپەوکریایە لە دەوروگەرد ئامرلی.
سەرچەوەگە دووپاتکرد، ئاگرەگە بویەسە هووکار لەناوداین سەدان دۆنم و زەرد رەسانن وە سەدان تەن گەنم، دیاریکرد وە زویی کاردانەوەو و هەبوین وەرگیری شارستانی زیاتر لە 20 هەزار دۆنم لە ئاگرەگە کپەوکریایە لەمابەین خوەرهەڵات سەڵاحەدین و قەزای داقوق.
