وە دوو رویداو جیاجیا لە دوو پارێزگا.. کوشیان و زەخمداری ٧ کەس ٤ ئیرانی و ئەندامیگ حەشد هاناویان
2023-06-25T12:03:27+00:00
شەفەق نیوز/ سەرچەوەیلیگ فەرمی و ئەمنی، ئمڕوو یەکشەممە، خەوەردان لە کوشیان و زەخمداری ٧ کەس ٤ ئیرانی و ئەندامیگ حەشد شەعبی هاناویان، وە دوو رویداو هاتوچۆی جیاجیا لە پارێزگای میسان و کەرکوک.
وەڕیەوبەرایەتی هاتوچو میسان لە بەیاننامەیگ رەسیە ئاژانس شەفەق نیوز وت: رویداویگ هاتوچو کەفتە ناوەین دوو ماشین لەبان ری عمارە - مشەرەح، یەکەمەگە کەیا بوی و ڕووەکە تەکسی بیجو، لە ئەنجام رانین وەتونی یەکەم ماشینەگە، و نا هوشیاری، ک داد لەو ماشینەگە.
دیاری کرد ک رویداوەگە بویە هوکار کوشیان دوو کەس ئیرانی و زەخمداری چوار کەس عراقی و دوو کەس ئیرانی.
هەرلیوا، سەرچەوەیگ ئەمنی لە سەڵاحەدین خەوەردا لە کوشیان ئەندامیگ لە حەشد شەعبی وە رویداویگ هاتوچو خوەرھەڵات تکریت.
سەرچەوەگە ئەرا ئاژانس شەفەق نیوز وت: ئەندامیگ لە حەشد شەعبی وە رویداویگ هاتوچو لەبان ری کەرکوک - تکریت لە ناوچەی ربیزە گیانی لەدەسدا.
وتیش؛ تەرم قوربانیەگە ئەرا پزشک دادوەری بریا، و دەسەڵاتەیل هاتوچو لێکۆڵینەوە لە رویداوەگە واز کردن.
