پویچەڵکڕدن تەقەلای هاوردن ١٠ کێلوگرام هووشبەرەی وەقاچاخ ئەرا ناو عراق
2023-07-06T11:07:02+00:00
شەفەق نیوز/ هیزەیل پاسەوان سنوور عراق، توەنستن تەقەلای وەناوهاوردن ١٠ کێلوگرام لە مادەی کریستال هووشبەر لە پارێزگای میسان پویچەڵ بکەن، ک لە ئیرانەو هاتیە.
فەرمانکەی هبزەیل سنوور لە بەیاننامەیگ رەسیە ئاژانس شەفەق نیوز وت: هیزیگ لە لیوای سنوور دەهەم لە فەرماندەی سنوور ناوچەی سێیەم وە ئەرکیگ هاوبەش توەنستن دەس وەبان ١٠ کێلوگرام لە مادەی کریستال هووشبەر بنەن، دویای تەقەلای قاچاخکردنی ئەرا ناو خاک عراق وەلای دوو توومەتبار، ک دویای وەشوینکەفتنیان وەرەو شوین نادیاریگ واینە.
فەرماندەگە وتیش: ریکارەیل یاسایی وەگەرد ئەو مادەی هووشبەرە جیوەجی کریا.
