وەداوەزین ئاشکرایگ لە مردنەگان.. عراق ٢٨٨٠ تووشهاتن نوو وە کۆڕۆنا تۆمارکەێد
2020-11-07T14:14:47+00:00
شەفەق نیوز/ رێژەی مردنەگان وە ڤایڕۆس کۆڕۆنا وەشیوەی ئاشکرایگ لە عراق لە ماوەی ٢٤ ساعەت گوزەیشتە داوەزیا، وەگورەی راگەیانن وەزارت تەندروسی وژینگە لە هەڵوێست رووژانەی پەتاگە ئەرا ئمڕوو شەممە.
وەزارەتەگە لەبەیانامەیگ ئمڕوو وت: ٢٨٨٠ تووشهاتن نوو تۆمار کردگە تا بڕ تووشهاتنەگان لەوەخت بڵاوبوین پەتاگە تا ئیسە بڕەسێدە ٤٩٦٩١٩ .
وەزارەتەگە ئاماژە کرد وە خاسەوبوین ٢٦٦٠ تووشهاتگ تا گشت خاسەوبوینەگان بوونە ٤٢٥٩٢١٩ و هیمان ٥٨٨١٠ تووشهاتک هانە ژیر چارەسەرکەردن.
وەزارەتەگە وتیش؛ ٣٩ تووشهاتگ ئمڕوو مردن تا ژمارەی مردنەگان بڕەسێدە ١١٢٨٣ کەس، و ٣٩٣ تووشهاتگ هانە چەودیری وورد.
