وەخاکسپاردن نزیکەی ١٥٠٠ سەرباز عراقی لە جەنگ وەرد ئیران کوشیانە
2022-10-29T10:00:55+00:00
شەفەق نیوز/ وەزارەت وەرگری، ئمڕوو شەممە، وەخاکسپاردن ١٤٥٩ روفات سەربازەیل عراقی راگەیان لەوانەگ لە جەنگ هەیشت ساڵە وەرد ئیران کوشیانە.
وەزارەتەگە لە بەیاننامەیگ وت: فەرمانگەی یاسایی- وەڕیەوبەرایەتی ماف مرۆڤ لە وەزارەتەگە، وە دەسمیەتی پارێزگای بەسرە، روفات ١٤٥٩ سەرباز عراق نەناسریاگ لە قەیران برجسیە لە پارێزگاگە نانە خاک، دویای تەواوکردن وەشکین پزشکی و بردن نموونەیی تایبەتیان لەلایەن وەزارەت تەندروسی لە پزشک دادوەری بەغداد.
بەیاننامەگە وتیش: رسوومەیل وەخاکسپاردن وەگورەی شەریعەت ئیسلامی ئەنجام دریان، وتیش: ئەو روفاتەیلە وەرجەیە لە مینەکردن هاوبەش وەرد لایەن ئیرانی لە بیسەروشوینەیل هەردوگ وڵاتەگە لە جەنگ ١٩٨٠-١٩٨٨.
