وە توومەت چزداین بڵاوکردن باوەت ناشرین.. دەسگیرکردن (حەنونە حکومە)
2023-04-02T11:28:05+00:00
شەفەق نیوز/ سەرچەوەیگ ئەمنی وەرپرس، ئمڕوو یەکشەممە، خەوەردا لە دەسگیرکردن خانمیگ خاوەن سەنتەر جوانکاری لە بەغداد.
سەرچەوەگە ئەرا ئاژانس شەفەق نیوز وت: وەگورەی یادداشت دەسگیرکردن، هیزیگ ئەمنی خانمیگ خاوەن سەنتەر جوانکاری و خاڵکوتان لە ناوچەی مەنسور وەناوزناو (حەنونە حکومە) وە توومەت باوەت بیتام دەسگیر کرد.
وەگورەی زانیاری ئاژانسمان، ئەو خانم توومەتبارە لەی دویاییە پارچە ڤیدیۆی رسوایی و بیشەرمی و بەد بڵاو کرد.
زانیاریەیل دەسنشان کەن ک ئەو خانم توومەتبارە هەمیش وە چزداین ئەو دویەت و ژنەیلە توومەتبارە ک سەردان سەنتەرەگەی کەن و وینەیان گرێد ئمجا وەو وینەیلە هەڕەشەیان دەێد.
لە مانگ شوبات گوزەشتە، وەزارەت ناوخۆ و ئەنجومەن دادوەری باڵا دەسکردنە هەڵمەت وەشوینکەفتن ئەوانەگ وە بڵاوکردن چشتەیل ناشرین لەناو سۆشیال میدیا توومەتبار کریانە، و بڕیگ لەلیان وەی توومەتە دەسگیر کریا.
