"وە پەتی کار نێکەیمن".. خۆپیشاندان تۆڕەیگ لە ناڕەزایی لەبان دیرکەفتن مووچەگان عراق گرێدەو
شەفەق نیوز/ سەدان لە فەرمانەبەرەیل دەوڵەت لە چەن پارێزگایگ عراقی، ئمڕوو یەکشەممە، وە ناڕەزایەتی لەبان دیرکەفتن خەرج مووچەگانیان ئەرا مانگ تەشرین یەکەم گوزەیشتە خۆپیشاندان کردن.
لە بەغداد پایتەخت، دەیان لە فەرمانەبەرەگان لە وەردەم بینای وەزارت دارایی لە ناوچەی بابولمەعەزەم وە ناڕەزایەتی لەبان دیرکەفتن خەرج مووچەیل مانگ تەشرین یەکەم خۆپیشاندان کردن.
پەیامنێر ئاژانس شەفەق نیوز وت: ژمارەیگ لە خۆپیشاندانەرەگان، شەوەکی ئمڕوو، لە وەردەم وەزارەت دارایی خۆپیشاندان کردن، وە داوای خەرجکردن مووچەیل دیرکەفتەیلیان، ودیاریکرد ک خۆپیشاندەرەگان دووپاتکردن ک دەسپیچگەیل وەزارەتەگە ئەرا دیرکەفتن مووچەگان قەناعەت دار نیین و ماف دیرخستن خەرجیان نەیرێد.
پەیامنێرەگەمان دیاریکرد ک خۆپیشاندانەرەگان هەڕەشەی وەردەوامبوین لە ناڕەزایەتیەگان و بایکۆتکردن دان ئەگەر مووچەگان خەرج نەکریان.
لە پارێزگای موسەنا، پەیامنێر ئاژانس شەفەق نیوز خەوەردا ک دەیان لە کادرە تەندروسیەگان لە موسەنا، راگەیانن نیمچە بایکۆتیگ لە کار لەوەر دیرکەفتن مووچەگان.
پەیامنێرەگەمان وتیش؛ دەیان لە کادرە پزیشکیەگان نیمچە بایکۆتیگ رێکخستن لە دیرکەفتن مووچەگان، ودیاریکرد ک بایکۆتەگە لە بانگوازیگ گشتی هات، وهەمیش ریکارەیلیگ بەرزەوکردن هەس ئەگەر مووچەگان مەرەقەز نەکریان.
هەمیش بابل خۆپیشاندان لە ژمارەیگ لە فەرمانبەرەگانی وەخوەی دی، و لەوەردەم دامەزراوەگانیان مانگگردن، و رازی نەوین وەپەتی کار بکەن.
پەیامنێر ئاژانس شەفەق نیوز وت: دەیان لە فەرمانەبەرەیل فەرمانگەیل بابل بایکۆتیگ لە دەوام راگەیانن، لەوەر دیرکەفتن خەرج مووچەگانیان، و وەسەختی رەت دیرکەفتن خەرج مووچەیلیان کردن، چوونکە ئاسانترین مافەیلیانه، و بانگواز ئەرا گشت عراقیەگان کردن دژوە ستەمەگان لە عراق بووسیەن.
وتیش؛ خۆپیشاندەرەگان هەڕەشەی بەرزەوکردن هەڵوێستەگان لەماوەی رووژەیل ئایندە کرۆن، ئەگەر حکومەتەگە لەماوەی دوو رووژ ئایندە لە رەفتار دیرخستن مووچەیلیان وەردەوامبوی.
لە میسان، دەیان لە فەرمانەبەرەیل کادرە تەندروسیەگان وە ناڕەزایەتی لەبان دیرکەفتن خەرج مووچەیلیان خۆپیشاندان کردن.
پەیامنێرەگەمان ئاماژە کرد ک کادرە تەندروسیەگان لە پارێزگاگە راگەیانن لە ناڕەزایەتیەگان لەوەردەم وەڕێۆبەرایەتی تەندروسی پارێزگاگە لەوەر دیرکەفتن خەرج مووچەیلیان.
وتیش؛ خۆپیشاندەرەگان وتن ک حکومەتەگە ئەرکەیلی لە وەرانوە کادرە تەندروسیەگان وەتایبەت و فەرمابەرگان وەشیوەی گشتی خەێدە پشتگووش، و ئەوەگ رووژانە ئەنجامی دەن لە دژایەتی بیماری کۆڕۆنا و کەفتنیان لەوەر مەترسی بکوشیگ.
ودووپاتکرد ک خۆپیشاندانەرەگان ئەوەسا لە ناڕەزایەتییان وەردەوامبوون ئەگەر داواکاریەیلیان وەزوی جیوەجی نەکریەن، و ئاماژە کردن ک ئی خۆپیشاندانەیلە بوونە مانگگردن ئەگەر ئەوە دووارەو کریا.
